Anoman Duta (tembang Bojo Anyar & Banyu Langit)

(Versi Pamer Bojo)
Raden Rama tansah sedhih penggalihe
Mikirake Sang Dewi Sinta garwane
Sinta kadhustha ratu raseksa
Prabu Rahwana ratu ing Ngalengka
Ing Ngalengka Dewi Sinta dikunjara
Dipapanake ing taman Argasoka
Sang Dewi Sinta tansah direksa
Diarih-arih Sang Dewi Trijatha
Anoman diutus dening Sang Ramawijaya
Tumuju Ngalengka ngajak mulih Dewi Sinta
Wiwitane Sinta ora tumuli percaya
Nanging Anoman ngaturake sotyaludira
Eman Anoman banjur konangan
Nampa ukuman diobong uripan

(Versi Banyu Langit)
Dewi Sinta, disekep dening Rahwana
Ing Ngalengka aneng Taman Argasoka
Saben dina, mung tansah nangis nelangsa
Mikirake Sang Prabu Ramawijaya
Welasa welasa Rahwana
Wangsulana aku marang Raden Rama
Mrenea mrene Kakang Rama
Welasana aku kang nandang sengsara
Raden Rama, ngutus sang wanara seta
Sang Anoman tumuju menyang Ngalengka
Aneng kana, Anoman ngaturke sedya
Sotyaludira minangka bukti nyata
Anoman, Anoman konangan
Dening Indrajid lan Patih njur perangan
Man Eman, Anoman kasoran
Panah rante nggubel awake Anoman
Anoman, banjur kasowanake Rahwana
Banjur duka Anoman nampa pidana
Diobong, ing tengah alun-alun Ngalengka
Ning jebul Anoman sekti tur digdaya
Sang Anoman ucul saka paukuman
Mlumpat mlumpat mencolot ing wewangunan
Kabeh kobong, kutharaja ing Ngalengka
Dasamuka mung bisa duka lan murka
Anoman, mabur ing akasa
Mulih atur palapuran marang Rama
Anoman, banjur kawisuda
Senapati agung ing Kraton Pancawati
Anoman, pancen ampuh sekti pilih tandhing
Kethek putih titis Dewa kang pinilih
Anoman, kasil dadi duta ing Ngalengka
Nanjihake kahanane Dewi Sinta